18/12-2009: Inkubator for mat og naturbasert næring
SIVA (Selskapet for industrivekst) lyste i april ut 3 nye inkubatorar for mat og naturbasert næring. I konkurranse med 16 søkjarar har Dyrskun Arrangement no blitt tildelt slik funksjon. Avtala inneber at Dyrskun Arrangement som inkubator skal etablere eit utviklingsmiljø for nye bedrifter der vekstbedrifter skal sikrast eit tilbod omfagleg rådgjeving i forretningsutvikling, kompetansenettverk, investornettverk og fysiske lokaler med servicefunksjonar.
Inkubatorprogrammet for mat- og naturbasert næring skal bidra til utvikling av fleire vekstbedrifter innanfor blå og grøn sektor. Dyrskun Arrangement skal fylgje dette opp i sin region som primært vil vere Telemark, men også nabofylka. I dette arbeidet vil vi samarbeide med fleire eksterne samarbeidspartnarar i høve til fagleg kompetanse, forretningsutvikling og finansiering. Inkubatoren blir finansiert av KRD og LMD gjennom SIVA (50 %) i tillegg til regionale midlar (fylkesmannen, fylkeskommunen og interkommunalt fellesfond).
Dyrskun Arrangement som inkubator skal vere operativ frå 1. jan 2010. Når drifta er fullt i gang skal det hjå inkubatoren vere 5-7 inkubatorbedrifter til ei kvar tid. Det blir stilt spesifikke krav til dei bedriftene som søkjer opptak som inkubatorbedrifter. Bl.a. blir stilt krav til at bedriftene skal ha ambisjonar om minst 2 tilsette eller 2 millionar omsetning innan 3 år. Inkubatoren si målgruppe er offensive gründerar med vekstambisjonar som vil utvikle mat- og naturbasert forretningsidear fram til kommersiell næringsverksemd, gjerne med nasjonalt eller internasjonalt potensial.
---- 0 ----
Dagleg leiar Henry Mæland ved Dyrskun Arrangement seier at inkubatorfunksjonen blir eit viktig virkemiddel for å få til meir lokal foredling og verdiskaping. Dette blir eit nytt virkemiddel i vårt område som vil utfylle dei andre virkemidla vi har innan bedriftsutvikling og investeringsstøtte. Dyrskun Arrangement vil tilsette ein eigen inkubatorleiar. Han håpar mange bedrifter og gründerar med idear og utviklingsplanar vil ta kontakt med den nye inkubatoren på Dyrskuplassen.
For nærare informasjon kontakt: Henry Mæland
Tlf. 90861565 / 35065776
e-post: henry@dyrskun.no
Utskriftsvenleg