Bilde: Multekake med ystil/skjørost – komponera av Bondelagskokk 2022-2023 Mette Julius Evensen, drivar av LeBistro i Trondheim.
Surmjølksostar
Surmjølksostar er dei norske urostane – gamalost, pultost, trøgost, ystil/skjørost, knåost og fjellost.
Surmjølksostar blir ofte laga av skumma mjølk, då blir fløyten/rjomen til smør og skumma mjølka til surmjølksost, slik får ein nytta heile mjølka og såleis ein berekraftig produksjon. Surmjølksostar er smaksrike, proteinrike og feittfattige.
Nokre av aktivitetane på Dyrsku’n:
- Demonstrasjon av ysting og smaksprøver
- Utstilling og smaksprøver av ulike typar surmjølksostar frå heile landet
- Foredrag med smaksprøver på rettar med surmjølksostar
- Film om gamalosten og Bitten Brennhovd
- Utvikling av smårettar med surmjølksostar
- Servering, sal og formidling om rettane under arrangementet
Norsk tradisjonsost på Dyrsku’n
Me har eit blomstrande ostemangfald i landet, men dei norsk matskattane tradisjonsostane har sakka akterut, kunnskap og tradisjonar er i ferd me å døy ut. Potensialet for vekst er til stade. Ostane er proteinrike noko som marknaden etterspør i dag, samtidig er dei smaksrike og kan bidra til rikare smaksopplevingar.
Prosjektet er eit samarbeidet mellom Norsk Gardsost, Bondelaget, budeienetterverket Budeieveven, samt Food Lesson på Oslo Met.