Billettar

Skogtunet

Skogtunet er ei «grøn lunge» der du kan puste ut med ein kopp nykoka bålkaffi. I mellomtida kan borna snekre seg eit fuglehotell, gå natursti i «barneskogen» eller lære seg å spikke med kniv. Dei minste kan prøvesitje den 23 tonn tung skogsmaskin som står på plassen.

Minikurs ungskogpleie

Tid: fredag, laurdag og sundag kl 11.00.

Ungskogpleie er ein viktig del av skogbehandlinga, og bidreg til betre vekst og kvalitet på trærne. Skog i god vekst tek opp store mengder CO2 frå atmosfæren, og karbonet lagrast i tømmerstokken. På Skogtunet kan du delta på minikurs i ungskogpleie med erfarne instruktørar fra Skogkurs.

Minikurs Skogpleie

Motorsagshow

Tid: Fredag og laurdag kl 14.00.

På Skogtunet kan du også oppleve eit forrykande show når Landslaget i motorsag viser seg fram! Dyrsku’n er siste stopp før proffane reiser til Austerrike for å forsvare dei norske fargene i VM i motorsag. Kom og sjå imponerande motorsagferdigheiter!

Motorsagshow på Skogtunet

Skog er ei bærekraftig ressurs, og har ei nøkkelrolle i overgangen frå svarte til grøne karboner. Visste du at bjørkegranulat kan erstatte gummi på kunstgrasbanar, og at trevirke kan brukas til å lage dyre- og laksefôr? Og at innhaldet i ei granstokk kan brukast i batteriar, medisinar, tannkrem og som smakstilsetjing i matvarer? På Skogtunet får du sjå nokre av tinga du ikkje visste kom frå skogen, og samtidig lære meir om korleis skogbruket tar omsyn til dyreliv og friluftsliv.

Vel Skog

Er du interessert i skog og natur, og nysgjerrig på ei naturfagleg utdanning? På Skogtunet kan du «prøvekøyre» ein skogsmaskin i maskinsimulatoren og snakke med elevar som har valt skogen og naturen som framtidig arbeidsplass.

Velkomen til Skogtunet!

Deltakarar:

  • Velg Skog
  • SKOGKURS
  • Nome VGS, avd. Søve
  • AT SKOG
  • Skogselskapet
  • Norgesplanter AS
  • Statsforvalteren i Vestfold og Telemark, Skogavd.
  • Komatsu Skogsmaskiner
  • Universitet i Sørøst-Noreg, Institutt for natur, helse og miljø