Eit bygg for framtida
I det spildrande nye tilbygget mellom Hall A og Hall B skal unge eller nyetablerte handverkarar få høve til å vise fram arbeida sine og møte eit publikum som er interessert i husflid og tradisjonshandverk.
Artikler
Alle sider
Årets Lokalmatgründer 2024
For tiande år på rad kårar MENY, Hanen og Dyrsku’n vinnaren av Årets lokalmatgründer. Vi gratulerer grønsaksgarden Bøtun Gard som Årets Lokalmatgründer!
Meir plass til både folk og dyr på det utvida Sterke Nils-tunet
Det tradisjonsrike tunet står sterkare enn nokon gong. Bli med tilbake i tid, samtidig som vi ser på korleis det gode, gamle kan få plass også i framtida.
Velkommen til staseleg dekt bord
Med særutstillinga «Bord, dekk deg!» ynskjer arrangørane å synleggjere noko av det fine brukshandverket som blir laga i Noreg i dag. Publikum kjem til dekt bord, med keramikk, tekstilar, glas, smidde gjenstandar og trearbeid frå nokre av dei beste handverkarane i landet.
Yrande liv og kupp på kniv og klokker
Kniv- og klokketorget har vore ein del av Dyrsku’n sidan slutten av 1800-talet. Slik blir det sjølvsagt også i år, og no tek arrangørane grep for å verna om sjølve kjerna av torget.
Meir jern, meir moro: Anleggsområdet er større enn nokon gong
Det populære anleggsområdet er i år utvida med to dekar, og byr på eit spennande utval av maskinar og teknologi for både små og store.
Variasjon gir styrke og framtidshåp
Familielandbruket er djupt rotfesta i norsk kultur og tradisjon og har ei viktig rolle for å sikra sjølvforsyning, busetjing og levande bygder. Variasjonen i driftsformer er likevel stor.
Potet er tradisjon og beredskap, no skal ho hyllast
Dufta av nysteikte potetlomper vil breie seg over Dyrsku'n når Bygdekvinnelaget nok ein gong inviterer til fest. I tillegg inviterer dei til ein konkurranse som kan sende deg til NM – i potetskrelling.
No kan du prøva deg som travkusk eller montéryttar
Lurar du på korleis det er å sitja på ein hest i godt driv, eller draumar du om å prøva deg som kusk? Då bør du nytta høvet til å testa travsimulatoren med det velklingande namnet Monté Python.
Møt nåtidas og framtidas landbruk i Husdyrhallen
I eit raudmåla, låveliknande hus midt på Dyrskuplassen, finn du Husdyrhallen. Der kan du sjå levande husdyr og oppleva mjølking, saueklypping og sæduttak av okse. Kom innom og lær meir om nåtidas og framtidas landbruk.
Ein stolt jubilant
Norsk Bufe er ein organisasjon som sidan 1984 har jobba aktivt for bevaring av gamle norske storferasar. Målet deira har vore å sikra livskraftige populasjonar og betre vilkåra for bønder som driv med desse rasane. I år fyller organisasjonen 40 år, og i samband med jubileet er dei utfordra til å vise fram fleire rasar enn normalt på utstillinga på Dyrsku’n.
Møt Landbruket er for alle
– Møt Landbruket-teltet har blitt ein viktig møteplass under Dyrsku’n. Det seier Jan Thorsen i Telemark Bondelag, som saman med Nationen og Dyrsku’n er ansvarleg for Møt Landbruket – staden for politiske debattar, interessante samtalar og underhaldning.