Rosettbakkels med knåost frå Kråkeroe Staulen og Flatdal meieri, rømme frå Røros, sylta løk og silderogn
Rosettbakkels
- 90 g mel
- 80 g potetmel
- 10 g sukker
- 5 g salt
- 200 g vatn
Miks alle ingrediensane med ein stavmiksar. La røra stå i ca. 30 minutt før bruk. Varm opp solsikkeolje til ca. 170 grader. La jernet liggje i oljen under oppvarminga. Det er viktig at jernet er varmt før du byrjar med friteringa.
Dypp jernet i røra til det når kanten på toppen, og deretter ned i den varme olja. Friter til rosetten byrjar å bli hard, og dytt ho av jernet med ein spisepinne. Friter til gyllen, og la den kvile på eit tørkepapir.
Sylta løk
- 100 g eplesidereddik
- 150 g sukker
- 300 g vatn
Kok opp eddik, sukker og vatn. Tilset skiva løk og gi den enda eit oppkok. La løken småkoke i ca. 2 minutt og dekk kjelen med plastfolie. La den stå i ca. 30 minutt før servering.
Server rosettbakkelsa med rømme, sylta løk, silderogn eller annan type fiskerogn og knåost. Topp med friske urter.
Knåost. Foto: Eline Kjøl Berg.
Sprø potetlompe med pultost frå Avdem ysteri, bakte beter, rømme frå Røros med tyttebær og tørka reinsdyrshjerte frå Røros
Potetlompe
- Potetlompe eller speltlompe
Tørk lompene i omnen på 160 grader i ca. 8 minutt, eller til lompen er tørr. Varm opp solsikkeolje til ca. 180 grader og friter lompene til dei er gylne.
Bete- og jordskokksalat
- 500 g beter
- 300 g jordskokk
- Salt
- Sukker
- Eplesidereddik
Set omnen på 180 grader. Legg betene og jordskokken på eit steikebrett med bakepapir. Bak grønsakene til dei er møre. Tida vil variere med storleiken på betene. Skrell dei bakte grønsakene og kutt dei i ønska storleik. Smak til med eplesidereddik, sukker og salt.
Cruité
- 100 g jordskokk eller polkabeter
- Salt
- Sukker
- Eplesidereddik
Skjær jordskokken eller beten i tynne skiver, bruk gjerne ein mandolin dersom du har det tilgjengeleg. Legg i isvatn, og smak til med eplesidereddik, salt og litt sukker rett før servering.
Tyttebærrømme
- 300 g Rørosrømm
- 60 g tyttebær
- Salt
Pisk rømme og tyttebær til ho er stiv og luftig. Smak til med salt.
Dander dei sprø potetlompene med bete- og jordskokksalat. Topp med tyttebærrømme, pultost, tørka reinsdyrshjerte, crudité og urter.
Pultost. Foto: Eline Kjøl Berg.
Sprø vaffel med luftig nyr, multer, salt karamell og gamalost-krokan med gamalost frå Vik meieri
Sprø vaffel
- 150 g mel
- 125 g smelta Rørossmør
- 300 g vatn
- 5 g salt
- 30 g sukker
Smelt smøret. Bland vatn, sukker og salt.
Miks melet med vatnet og spe på med smør. La røra stå i ca. 30 minutt før steiking.
Luftig nyr
- 250 g nyr
- 100 g kremost
- 50 g fløyte frå Rørosmeieriet
- 20 g melis
- 2 stk lime
- Ei klype salt
Ha nyr, kremost, fløyte og melis i ein bolle. Riv skalet av to lime i bollen saman med safta av ein lime. Pisk til du får ein luftig krem, smak til med ei klype salt, og ha over i ein sprøytepose.
Salt karamell
- 250 g sukker
- 120 g vatn
- 170 g fløyte frå Rørosmeieriet
- 50 g Rørossmør
- 10 g flaksalt
Kok vatn og sukker til karamell. Hell over fløyte og småkok i ca. 3 minutt.
Ha i smørterningar og salt. Rør saman og ha over i ei sprøyteflaske.
Gamalost-krokan
- 200 g sukker
- 40 g Rørossmør
- 15 g gamalost
Smelt smør i ei panne. Tilset sukker og smuldra gamalost og karamelliser til lysebrun. Rør saman. Ha over på eit brett med bakepapir og la stå til avkjøling. Hakk opp krokanen. Perfekt til is eller andre dessertar.
Steik vaflene og legg dei på ei rist. Dander med luftig nyr, salt karamell, friske multer eller andre bær og strø over gamalost-krokanen.
Gammelost. Foto: Eline Kjøl Berg
Plommeterte med skjørost frå Rørosmeieriet
Plommeterte
- 250 g mel
- 115 g Rørossmør
- 5 g salt
- 50 g melis
- 1 stk egg
Smuldre mel og smør saman. Tilset resten av ingrediensane og miks heilt til deigen akkurat er samla. Ikkje jobb for mykje med deigen.
Pakk deigen i plastfolie og la den kvile i kjøleskapet i ca. 30 minutt.
Kjevle ut deigen og kle terteforma med deigen. Her har vi brukt små porsjonsformer, men store former kan også brukast. Stikk deigen med ein gaffel og sett forma i fryseboksen i ca. 30 minutt før steiking. Dette vil gi eit betre resultat.
Forsteik tertedeigen i ca. 15 minutt på 180 grader. Dersom du brukar ei større form, må tertedeigen steikast lengre.
Plommefyll
- 450 g plommer
- 100 g kirsebær
- 150 g sukker
- 1 ss maisenna
Snitt eit lite kryss i toppen av plommene. Kok dei i 10 sekund og ha dei over i isvatn.
Skrell av skalet og ta ut steinen. Sett til side ¼ av plommene.
Ha plommer, kirsebær og sukker i ein kjele og kok i ca. 10 minutt. Sil av ca. 2 dl av plommejuicen.
Bland maisenna ut med litt vatn og spe inn i plommene. Gi eit kjapt oppkok under omrøring og sett til side.
Kutt dei resterande plommene i båtar og legg dei i plommejuicen frå kompotten.
Fyll tertene med plommekompotten og dander plommebåtar på toppen. Steik i ca. 15 minutt på 180 grader.
Skjørostkrem
- 250 g kremost
- 100 g fløyte frå Rørosmeieriet
- 30 g sukker
- 100 g skjørost frå Rørosmeieriet
Pisk kremost, fløyte og sukker i ein bolle. Vend inn skjørost.
Legg skjørostkrem på dei ferdige plommetertene.
Skjørost. Foto: Eline Kjøl Berg.